ايام السنين

ارض السنين تدور في صـورة ايـام
بروازها بيـن الصخـب , والسكينـه
وقفت تعدّ انسـان بإصبـاع الارقـام
وقفـة تنهّـد مـن روايـه حزيـنـه
ياللي تقول : المـوت للفقـري زمـام
الموت مثل الفقر مـن نفـس طينـه
تشابهـوا واقـع كفـن مالـه اكمـام
في لحْد طين , ولحْـد حاجـه دفينـه
ليلة كرام الحظ ضيف الوعـد .. نـام
عيّـا يتـمّ .. بـواجـب مضيّفيـنـه
قدمه تعب مدري ورى نومـه احـلام
سرٍّ بقى .. لليوم .. بينـه , وبينـه !
شاعر فراغ الوقت .. يمـلاه بالهـام
فـي وقـت تفريـغ العقـول الذهينـه
راجع مع الدنيـا علـى دفتـر العـام
يجـمـع ورَق ماشقّقـتـه الغبيـنـه
عقارب الساعه غدت زنـد , واقـدام
وخطاه جاعت , والامانـي سمينـه !
متشبّث بسطر الندم .. عضّـة ابهـام
راحة غموض , ومتعـبٍ تستبينـه !
لو كسّرت فوق الـورَق روس الاقـلام
مارجرجـت عـزّة نفـوسٍ رزيـنـه
وش هو نجاح الشيء في عيون الاقزام
انّك تطول اطـول مـدى واصلينـه !
مادامت الشهره غسل وجه , واعـلام
مـن للوطـن , لاطوّلـوا غايبينـه ؟
اكسر عناد اللاّوعـد , وامـش قـدّام
للعقـل , ليـثٍ مـازأر فـي عرينـه
لاجيت , غابه من جهل .. فاكسر عظام
وان رحت تبقى منـك ذكـرى ثمينـه
ضيقة نفاه تخالـج صـدور الانسـام
والريح نامت في حضـون المدينـه !
مرّ الهجيـر بجوخـة الكـذْب مانـام
والليـل فـوق الغيـم مرخـي جبينـه
لاشقّقت ريـح الصبـر ثـوب الايـام
من يسترك يا احلامنـا المستكينـه ؟
وان درات الايام فـي صـورة احـلام
يطيح من عين الامل , كـلّ عينـه !

مدري أقول صح لسانك والا سلمت للنقل ؟


أبوعبدالعزيز مهما كان فصح لسانك وسلمت يالذيب

مدري أقول صح لسانك والا سلمت للنقل ؟


أبوعبدالعزيز مهما كان فصح لسانك وسلمت يالذيب

الله يسلمك
ولا هنت على المرور ياذيب

درر يابو عبدالعزيز ابيات عميقه جداً صح لسانك

صح لسانك ويعطيك العافيه

صح السانك ويعطيك العافيه

صح السانك يابوعبدالعزيز وعسااااااااك ع القوه

صح بدنكم ولا هنتو على المرور الراقي

صح لساااااااانك ولاهنت ياخيوووووو تقبل مروري

وش هو نجاح الشيء في عيون الاقزام
انّك تطول اطـول مـدى واصلينـه !
مادامت الشهره غسل وجه , واعـلام
مـن للوطـن , لاطوّلـوا غايبينـه ؟


صح السان شاعرها وتسلم يمناك على نقل القصيده
قصيده جميله

أستمتعت بـ قرائته